Mellores técnicas para disfrutar a sexualidade feminina

As persoas non vimos cun manual de instrucións máis aló do propio ADN dos nosos xenes, pero axudaríanos a entender mellor como funciona o noso corpo. Sobre todo cando falamos de saúde sexual e de autosatisfacción sexual. Sí, imos falar de sexualidade. Máis concretamente de técnicas para mellorar a satisfacción sexual e masturbación feminina xa sexa en solitario, en parella ou coa axuda dalgún dispositivo erótico como as bólas chinesas ou os vibradores.

Son múltiples as opcións que temos para darnos pracer e de paso mellorar a nosa saúde. Entre os beneficios tanto da masturbación en solitario como en compañía atópase a liberación natural de neurotransmisores, mellora os estados de ansiedade e relaxa, mitiga a dor menstrual, mellora a autoconfianza sexual e outros problemas sexuais, potencia a resposta inmunológica xeral ou mesmo fortalece o chan pélvico, entre outros.

A mellor experiencia sexual analizada pola ciencia

Agora que sabemos que unha experiencia sexual satisfactoria é boa para a nosa saúde pensemos en como as mulleres poden mellorar eses momentos sexuais íntimos (ou acompañadas) ao máximo. E non o vou a dicir eu, senón a ciencia. Un recente estudo publicado este mesmo de abril do 2021 na revista Plos One, realizado polos expertos Devon J. Hensel da Facultade de Medicina da Universidade de Indiana e Christiana von Hippel, científica de OMGYES, informou sobre as mellores técnicas de masturbación feminina para mellorar o pracer sexual.

O estudo realizou unha ampla enquisa sobre 3.000 mulleres estadounidenses de entre 18 e 93 anos para conseguir saber máis sobre as experiencias relativas ao xogo sexual de cada unha delas para elaborar posteriormente un amplo informe. Para a súa elaboración engadiuse outra mostra de 1.000 mulleres participantes que describiron as súas sensacións en canto ao pracer sexual e o tacto para coñecer mellor as posturas preferidas para mellorar a penetración, o orgasmo e o goce sexual en xeral.

Mellores técnicas para obter pracer sexual: Pescar, Abalo, Descenso e Emparellamento

Destes resultados arroxouse a conclusión de que son catro as técnicas máis satisfactorias durante a experiencia da penetración (con pene, dedos, xoguetes sexuais, etc.).

1. Pescar ou Angling. Esta técnica foi a técnica con mellores resultados segundo as enquisadas cun 88% de eleccións. Trátase de axustarse o máximo posible á zona onde o pene ou xoguete está a fregar nese momento, xa sexa rotando a pelvis ou movendo e baixando as cadeiras.
2. Emparellamento ou Pairing. A segunda técnica elixida, cun total do 84% das mulleres enquisadas que mencionaron mellorar a súa experiencia, consiste en que a propia muller, en solitario durante a masturbación, ou a súa parella, alcanza o clítoris cun dedo ou un xoguete ao mesmo tempo que se penetra a vagina.
3. Abalo ou Rocking. Esta técnica, apoiada polo 76% das mulleres, consiste en tratar de que a base do pene ou o xoguete sexual fregue contra o clítoris durante a penetración de maneira constante, permanecendo completamente dentro da vagina en lugar de empuxala cara a dentro.
4. Descenso ou Shallowing: Por último, e non menos importante, xa que o 70% das mulleres aválana é a técnica é tocarse xusto dentro da entrada da vagina, non no exterior pero tampouco moi dentro coa punta do dedo ou un xoguete sexual ou cos beizos ou lingua da parella.

Outras variables a ter en conta para mellorar a masturbación feminina

As técnicas anteriores pódense utilizar tanto para mellorar as relacións sexuais en solitario como en compañía, pero non son as únicas, senón as que mellores resultados dan segundo o estudo mencionado.  Cada persoa é un mundo e a imaxinación e creatividade será unha gran aliada da muller para ter unha masturbación satisfactoria.

Para logralo, debe ter en conta outras variables como son:

• A forma de utilizar os dedos (e a cantidade). A estimulación correcta do punto G e o punto U.
• A presión adecuada sobre o clítoris e vagina.
• A contracción dos músculos pélvicos.
• O sentido do movemento dos dedos (circular ou non).
• A excitación doutras zonas erógenas como as mamilas.
• A utilización de espellos para coñecer mellor o corpo.
• A capacidade de percibir as sensacións que se van sentindo.

Alternar opcións pode ser un bo consello para ter unha vida sexual persoal satisfactoria. Empezas hoxe?

Referencia:

Hensel, D.J., Von Hippel, C.D., Lapage, C.C., Perkins, R.H. (2021). Women’s techniques for making vaginal penetration more pleasurable: Results from a nationally representative study of adult women in the United States. PLOS ONE